Pappaperm snart slutt

September har vore pappa sin måned.
Den ellers så travle far som så langt i Mari sitt liv har oppholdt seg mykje på kontoret, samt i inn- og utland på jobbreiser har no hatt fire veker heime med det vesle trollet.
Denne pappaen har vanligvis, når han faktisk er i landet, mellom to og tre timer heime om dagen mens krabaten er våken. Men av denne tida går minst ein halvtime vekk i middagspising, og tre kvarter til grauting, stell og legging om kvelden. Så mellom ein time og halvannen time er det far og datter har til rådighet til leik og tøys, denne tida må ofte delast med andre familiemedlemmar som sjølsagt også vil tilbringa litt tid med den vesle sola vår.

Men denne måneden har arbeidsdokumenter blitt skifta ut med våtservietter og dressbukse og finsko har blitt skifta ut med joggebukse og tøfler. Som ein del av "heimerutinene" så er det som seg hør og bør også pappen som skriv dette blogginnlegget på tampen av denne permisjonstida.

Først av alt; dette har vore ein flott måned. Eg var på reise to veker nesten sammenhengande i August i USA og Norge, som alltid med både gode og mindre gode følelser rundt dette. Veldig kjekt å reise til framande land og oppleve nye ting, møte nye folk og forhåpentligvis gjere gode forretningar samtidig. Samtidig har ein alltid i bakhåvet at heime er det ei stor og ei lita dame som egentlig skulle sett at eg var der kvar dag, noko eg ikkje kan i den jobben eg har. Tvert imot, jo meir eg er vekke fra kontoret, jo større sjanse skulle det vere for at eg gjer ein god jobb.
Denne gongen hadde eg likevel ikkje problemer med samvittigheten for å vera vekke så lenge, fordi eg visste at om veldig kort tid ville eg få god tid til å vere heime med Marihøno, og berre vere pappa.

Tannpuss

Så kofferten vart putta langt inn i ei bod, passet putta i ei skuff, og hår og i perioder også skjegg har fått vekse bortimot fritt i fire veker for å gjere det heile rufsete pappauttrykket komplett i den alternative kvardagen. Eg kan gjerne dele litt av det me har vore gjennom i denne tida.

Av ein eller annen grunn så har småjenta lagt om morgenrutinene litt i desse vekene. Under mammaregimet var ein gjerne oppstått i sjutida, mens under pappaveldet kan ein fint finne på å ligge frampå og drøse til halv ni-ni og innimellom heilt til halv ti!
Mor er lite fornøyd med dette, og meiner at arvingen gjer dette kun på dækelskap, og at ho kjem til å skifte tilbake til å bli sjusovar i ordets rette betydning så fort mor er tilbake som hovedansvarlig i heimen. Blir spennande å sjå.

Den største forskjellen frå å vera arbeidande pappa er tida ein har på formiddagen.
Denne tida skulle ein jo egentlig ha i helgene og, men ofte blir den tida brukt på husarbeid eller farting rundt om kring, samt at då er jo også mamma der.
No har me for første gang kunna ligga på golvet og tulla heilt uforstyrra av andre folk, trilla ball, kasta på leiker og berre ha det kjekt. Dette er kanskje den aller kjekkaste delen av permisjonen, der me også har øvd på nye ord og dyrelyder. Orda "tante", "sko" og koblinga mellom "bil" og lyden brrrrrrrrr har alle blitt unnfanga i denne perioden av dagen.

Mari og pappa monterer trappegrind

Likevel, slike aktiviteter tar på for ein liten person, så etter ikkje så lang tid er det tid for litt avslapping. Dette foregår enten på terrassen i vogna, eller ute på tur. Sistnevnte variant er min favoritt, då får også far litt restitusjon og mosjon.
Luren tar ein time eller to, og pappa får starta forberedelser til middag. Og jada, dette er ein del av den heimeverande sine oppgåver, også når dette er macho pappa.
Denne måneden har det blitt testa ut ein del nye matretter med vekslande hell, frå supper til formretter. Litt tidlig å fastslå om ein eller fleire av desse kan gå inn i standardutvalget av middagsretter i familien, det vil tida vise.

Forskjeller på pappa og mamma heime eksisterer nok. Når mamma har litt tid uten det vesle mennesket som krabber rundt og river ned ting, så blir det ærlig talt gjort meir normalt husarbeid enn når pappa er i samme situasjon. Misforstå meg rett, eg har gjort ein heil del standardoppgåver som høyrer med, men det har likevel blitt ein del fuging, isolering og saging der det kunne blitt gjort mykje bra golv- og klesvask.

Bæsj. Det førekjem også i pappaperm. Ville berre ha det nevnt.

Mari og pappen på leikeplassen

Me har såvisst fått farta litt rundt også i denne perioden. Me har vore på vossehandel og IKEA-tur med tante Siri, me har vore på hytta ein tur, me har kjørt med tog til og fra storbyen, og me har besøkt gamle studiekameratar og besøkt til kusine Kristina og gjengen på Sotra. Dette syns småen stort sett er berre kjekt, nysgjerrig som ho er.

Shopping!

Hyttetur

Denne delen av permisjonen er no ferdig. Jobben ventar på mandag, og det vil bli rikelig med jobb og reising framover. Mammo skal no heim igjen frå arbeidslivet i tre måneder, og i jobb igjen etter nyttår. Eg har seks veker, eller tretti permisjonsdager igjen, som eg etter planen skal ta ut i løpet av det kommande året.
Eg gleder meg allerede, ka med deg, Mari?